ALKATEAREN AGURRA
Ongi etorriak Mutiloako Udalaren webgune honetara!!!
Mutiloa Goierri eskualdean kokatuta dagoen herria, txikia baina balio asko dituena, bertako naturak, paisaiak nortasun handia ematen dio herriari.
Webgunea Herria ezagutzera emateko aukera paregabea da, herriko txokoak, intereseko eraikinak, ibilbideak,bertako ohiturak, meatzaritzarekin lotutako iragana, baserriak. Asko dugu erakusteko.
Mutiloarrek Udala gertu izatea nahi dugu , gestioak egiteko, berriak ezagutzeko, azken finean Udalarekin harreman zuzena eta komunikazioa irekia eta gardena izateko.
Eta oraindik gure herria ezagutzen ez baduzu, zatoz, naturaz, paisaiaz, gastronomiaz, herritarrez, festez gozatzera. Ziur ez zarela damutuko herria ezagutu izanaz!!!. Urtean zeharreko ekitaldi aipagarrienak, San Pedro eta Lierniko Andre Mari jaiak, Txerri azoka, Santa Ageda eguna, Olentzeroren etorrera, Aste Kulturala...
Hobetzeko ere asko dugu eta gustura asko jasoko ditugu zuen proposamenak, ekarpenak, ideiak, kezkak.
Ongi etorriak izango dira guztiak.
2025·10·23
SUSPERTZE, ERALDATZE ETA ERRESILIENTZIA PLANA/PLAN PRTR
SUSPERTZE, ERALDATZE ETA ERRESILIENTZIA PLANA Mutiloako Udalak “Erronka Demografikoko Udalerrietan Tokiko Energia Garbiaren Proiektuetarako Laguntza Programan (DUS5000)” parte hartzen du, Trantsizio Ekologikorako eta Erronka Demografikorako Ministerioak sustatua, Berreskuratze, Eraldaketa eta Erresilientzia Planaren esparruan – Europar Batasunak finantzatua – Next Generation EU. Proiektuaren xedea Mutiloa (Gipuzkoa) udalerriko CM03 eta CM04 argiteria publikoko aginte-zentroak egokitzea eta modernizatzea da, baita CM01 eta CM02 aginte-koadroetan telegestio sistemak ezartzea ere. Egindako jarduketen artean honakoak daude: koadro elektriko zaharrak babes eta errendimendu handiagoko ekipo berriekin ordezkatzea, urruneko kontrol eta energia- kontsumoaren monitorizazio sistemak instalatzea, eta instalazioak gaur egun indarrean dagoen Tentsio Txikiko Erregelamendu Elektroteknikoaren eta Kanpoko Argiteria Instalazioen Eraginkortasun Energetikoko Erregelamenduaren arabera legeztatzea. Era berean, udalerriko argiteria publikoaren sare osoa modu eraginkorrean gainbegiratu, optimizatu eta mantentzeko aukera ematen duen telegestio-plataforma zentralizatua ezarri da. Ez da obra zibil garrantzitsurik behar izan; esku-hartzea arlo elektriko eta kontrol teknologikora mugatu da. Jarduketa hauei esker, energia-eraginkortasuna hobetu, kontsumo elektrikoa murriztu eta kanpoko argiteria-instalazioen prebentziozko mantentzea errazten da.
 |
 |
 |
 |
 |
 |